شلپا شیٹھی نے بھی عام آدمی پارٹی میں شمولیت اختیار کر لی
بالی وڈ اداکار عامر خان کے بعد اداکارہ شلپا شیٹھی نے بھی بھارت کی عام آدمی پارٹی میں شمولیت اختیار کر لی۔
ممبئی: بھارت میں عام آدمی پارٹی کے منشور اور کرپشن کے خلاف نعروں نے جہاں عام آدمی کو متاثر کیا ہے وہیں بالی وڈ فنکار بھی پارٹی کے خیالات سے متاثر ہوئے بغیر نہیں رہ سکے۔ بالی وڈ اداکار عامر خان وہ پہلے فنکار تھے جنہوں نے عام آدمی پارٹی کی بھرپور حمایت کا اعلان کیا۔ عامر خان کی دیکھا دیکھی اداکارہ شلپا شیٹھی نے بھی عام آدمی پارٹی کی حمایت کا اعلان کر دیا ہے۔ اداکارہ کا کہنا ہے ملک میں اگلا وزیراعظم عام آدمی پارٹی کا ہونا چاہئے۔